OKUBATIZIBWA OMURI YESU
Amakuru gokubatizibwa.- okubatizibwa norutaambi rwokubanza rwokwikiriza amakuru marungi (Her 6:2). Okubatizibwa nikimwe ahabintu bikuru omu kwikiriza kwomuntu. Eki kishemeriire kukorwa omuntu yamara kushoma aketegyereza amakuru marungi nabingi ebi Baiburi erikutugambira. Eki nikyo kyatuma eishomo eri ryareterwa ahamuheru gwa gandi amashomo. Okujunwa nokwabayundaaya (Yoh 4:22). Nikimanyisa ngu endagaano ekwatiriine nokujunwa ekaheebwa aburahamu hamwe nomwijukuru Yesu. Kandi naitwe nitubaasa kubagana ahabyaraganisiibwe Aburahamu na Yesu, twamara kubatizibwa omuri Yesu. (Gal 3:22 – 29). Nahabweekyo twarabira omukubatizibwa, nitutunga byoona ebyahaibwe Yesu omujuni waitu. (Luk 1:73, 74). Twaaba tutabatiziibwe, nituba turi aheeru yendagaano ya Ruhanga. Petero nagira ati mweteise mubatizibwe mwaaba nimwenda kusasiirwa (Gal 3:27). Twabagana ahakufa nokuzooka kwa Yesu obwo turikurabira omukubatizibwa, nibwo bwonka obuturature na Yesu (Rom 6:5,8). Yesu akaragiira abegyesibwa be ati mugyende omunsi yoona muburire engiri ahaburi omwe (Gal 3:8) orikirize yabatizibwa naza kujunwa (Mak 16:16). Okwikiriza ebyahandikirwe kyonka tikirikumara, kandi nokubatizibwa kwonka tikurikumara kwihaho nano kworikutwaaza wamara kubatizibwa nikikuru munonga (Yoh 3:5). Tushemerire kuzarwa busha nanekigambo kya Ruhanga (1 Pet 1:23)
Nitubatizibwa omuri Yesu (Gal 3:27). Omwiziina rye hamwe nerya Ishe Ruhanga (Byak 19:5) (Byak 8:16) (Mat 28:19) kuturikubatizibwa omuri Yesu, nituba twayetwa Yesu nkabisirayiri oku bayesirwe Ruhanga (2 Bus 7:14). Nka Abisirayiri oku bayebemberize eiziina rya Ruhanga naitwe twamara kubatizibwa tushemerire kwebembeza Yesu. Petero nagira ngu nkoku obwaato bwayambire Noha obutafa. Nitwe nukwe turahone okufa twarabira omukubatizibwa. Nahabwekyo tushemerire kuguma turi abikiriza (1 Pet 3:21). Noha okutaaha omubwaato nikishushana nana abikiriza kutaaha omuri Yesu abo boona ababiire bari aheeru yobwaato omu bwiire bwa noha boona bakafa. kandi nahati abo boona batari na Yesu, nibaija kuhwerekyerera (Luk 17: 26,27). Abakurasi ba Yesu ababandize, bakahurira ekiragiro kya Yesu, okugyenda bakaburira engiri kandi bakabatiza ebikorwa byaabo byoona nibishangwa omu kitabo “ekyebyakozirwe entumwa”. Abo abikiriize engiri, bakabatizibwa nikikuru munonga ahamuhanda gwokujunwa kwomuntu. Nobu haraabe hariho enshonga ezirikutuma omubatizibwa kwomuntu kwakyerererwa, nanobuzibu oburi omukubatiza, omuntu oshemeriire kugyezaho kureeba ngu ebi byoona waabisingura reeru wabatizibwa ahabwembabazi za Ruhanga. Omukuumi wekihome kya Filipi, akikiriza yabatizibwa, kurigirira aha byabaireho shoma (Ebyak 16:33) (Byak 17:1) (Rom 10:17).
Yongyera oshome (Byak 16:14,15) oreebe oku Lydiya yahuriire okwegyesa kwa Paulo reeru akabatizibwa. Ebikorwa byomuntu tibirikumara kwihaho byaaba biri hamwe nokubatizibwa. Koruneriyo akaba ari omuntu owabaire natiina Ruhanga akab nahereza gye ebicweero kanid ari kushaba buriijo, kwonka ebi byoona tibiramazire kuhusya obu yayikiriza amakuru marungi akabatizibwa (Byak 10:2,6).
- (Byak 8:26-40). Neyoreka oku omuntu wekitinisa wa Ethiopia yashomire Baibuli omu ihamba. Kuyabugane Fillipo, yayongyera kumwegyesa amakuru marungi hamwe nekikuru ekiri omu kubatizibwa. Kubagumizemu, bahika aha maizi “Oasis” nabwanyima yabatizibwa. Eki nikyoreka ngu okushuka amaizi aha buso, ekirikukorwa amakanisa mingi, tikubatizibwa. Amaizi gashemeriire kubagari mingi gokubaasa kukushangira nka Yesu okuyabatiziibwe (Byak 8:36). Paulo akatunga okubonekyerwa ahonaaho yabatizibwa (Byak 9:18) Paulo akaba ari owekitinisa munonga kwonka ahonaaho akareka ebiyabaire nakora byoona biri nkokuhiganisa edini nebindi. Akikiriza kubatizibwa kukuratira Yesu (Filipo 3:7,13,14). Okubatizibwa nikwo butandikiro bworugyendo rwokuza omubukama bwa Ruhanga. Okubatizibwa nikwongyera kutugaita nano kufa hamwe nokuzooka kwa Yesu Kristo. (Rom 6:3-5). (Byak 26:19). Nkoku Paulo yashemereirwe omu kubatizibwa, nabo boona abarikubatizibwa omuri Yesu nukwe barikushemererwa (2 Kor 7:10).
10.2 TUSHEMERIRE KUBATIZIBWA TUTA?
Bamwe nibagira ngu okubatizibwa kushemerire kukorwa ahabaana barikubata amaizi ahabuso. Eki nikihakanisiza kimwe okwegyesa kwa Baibuli aha kubatizibwa. Okubatizibwa ekigambo nikimanyisa okushangirwa amaizi. Nahabwekyo okuta amaizi ahabuso okwo tikubatizibwa.
- Yohana akaba nabatiriza omumwanya gwa Aenon haihi na Salim ahakuba omumwanya ogu hakaba harimu amaizi mingi (Yoh 3:23). Eki nikyoreka ngu amaizi mingi gakaba nigetagisa okubatiza kukitari ekyo, Yohana akaba naza kuta amaizi omubaketi aba niwe yagyenda nashanga abantu ahu bari nababatiza.
- Yesu nawe akabatizibwa Yohana omumugyera gwa Yorudaani (Mak 1:9) (Mat 3:13-16). Yesu akateebwa omumaizi gamushangira. Okukora eki, Yesu akaba nayenda kworeka ekyokureberaho kugira ngu abakurasi be tweena tukore ekikorwa eki.
- Philipo akaubatiza omunya Ethiopia, bakabanza baronda omwanya omwihamba ogwabaire gurimu amaizi atyo yabona kumubatiza. (Byak 8:38, 39) (Byak 8:36).
- Nahabwekyo ebi byoona hamwe nebindi bingi, nibyoreka ngu okuatizibwa nokushangirwa amaizi kwonaka tikusiiga amaizi ahabuso (Kor 12:12). Okubatizibwa nikwetwa okwogibwaho ebibi (Byak 22:16) (Kush 1:5) (Tito 3:5) (2 Pet 2:22) (Heb 10:22. Shoma (Lev 8;6)) (Kur 40:32) (Ber 32:11).
- Namani akaba ari omurema kwonka akaba aine okwikiriza kwamaani omuri Ruhunga wabisirayiri. Namani akihwaho ebibi bye yamara kubatizibwa obwo arikwibikwa omugyera gwa Yorudaani (2 Bag 5:9-14). Namani kikamurenga akantu kakye nkaako kumutambira ahabwokwikiriza kwe.
- Omuntu okubatizibwa ashemerire kubanza yashoma kandi yayetegyereza ebyahandiikirwe yamanya okubatizibwa nenki.
“Christadelphians” nomucwe gwaitu kubanza twabuuza omuntu orikuza kubatizibwa kureeba yaba nukwe ashomire yayetegyereza ebyahandikirwe. Kandi nikiba kirungi ondijo muntu Atari mushomesa wogwo muntu yaba niwe yamubuuza.
10.3 OKUBATIZIBWA NIKIMANYISAKI?
Kimwe ahabigyendererwa byokubatizibwa obwo orikuza ahansi omumaizi gakakushangira, nikyoreka ngu waza ahansi noba waaza omukituuro kandi waafa nka Yesu. Nikimanyisa ngu ebibi byawe byoona byaziikwa hamwe nobutamanya. Kandi waruga omumaizi okaza ahiguru, noba wazooka nka Yesu. Kandi waruga omumaizi oine amagara masya. Kandi oine amasiko gokutunga amagara gatahwaho (Rom 6:3-5). Nkoku Baibuli erikiutugira, okujunwa tushemeriire kubanza twabatizibwa. Okufa kandi tukazooka na Yesu obwo turikubatizibwa, nikikuru munonga. Kwonka eki nikikorwa omuntu yamara kwetegyereza ebyahandikirwe kandi akamanya enshonga ahabwenki nabatizibwa (Rom 6:6) (Abefeso 2:5). Yesu akagira ngu abakurasi be bashemeriire kwekorera omusharaba bakamukurata nkoku tukiine omubiri hamwe neshagama ebitekyerezo byokushiisha nibiguma nibitwijamu, nahabwekyo okugumizamu twekoriire omusharaba nikitandika twamara kubatizibwa (Luk 9:23, 14:27). Eshagama ya Yesu ekareeta obusingye (Kol 1:20). Obusingye bwa Ruhanga oburengire okwetegyereza kwomuntu. Ensi terikuhereza busingye kwihaho Ruhanga wenka (Yoh 14:27) (2 Kor 1:5). Amagara gaitu tigaine Yesu. Paulo nagira ngu nobu araabe ariho, kwonka akabambwa na Yesu. Aha Paulo akaba namanyisa ngu nobu araabe ariho, nahabwa Yesu kandi omuri Yesu (Gal 2:20) Paulo nagira ariho ahabwebabazi za Yesu.
Nitujunwa twaguma na Yesu, tukazooka nawe (1Pet 3:21) nituhebwa amagara gatahwaho Yesu akagira at I Ahakuba ndiho naimwe nimuza kubaho (Yoh 14:19) (Rom 5:10). Ebyahandikirwe nibigira ngu twabonabona, tukafa nka Yesu omukubatizibwa nituza kuzooka nkawe twaafa nka Yesu, nituza kuzooka nkawe kandi tutegyeke nawe (2 Tim 2:11,12) (2 Kor 4:10,11,14) (Fil 3:10,11) (Gal 6:14)
10.4 OKUBATIZIBWA NOKUJUNWA
Okubatizibwa nikutwiriza haihi na Yesu. Omukubatziibwa nitusasirwa ebibi byaitu. Twaruga omumaizi, niturugamu turi abantu basya (Kol 2:12, 13) ( 1 Kor 6:11) (Kub 19:13) (Byak 22:16) (Kush 1:5, 7:14).
Petero kuyabuziibwe ngu omuntu nakoraki kujunwa yagarukamu ati; Mweteise kandi mubatizibwe mubone kusasirwa ebibi byanyu (Ebyak 2:37,38). Abatabatizibwe nibaza kutunga empeera yekibi nikwo kufa (Rom 6:23) Tihariho kujunwa kwihaho Yesu okabatizibwa (Byak 4:12) Yesu okuzooka akatunga amagara gatahwaho, nikyoreka ngu akasingura ekibi. Nahabwekyo naitwe twabatizibwa omuri Yesu, nituba nkawe, ekibi nikiba kitakitwineho bushoborozi (Rom 6:18,14) (1Yoh 1:8,9). Ekibi nikigaruka nikituzinga, twamara kuruga ahari Yesu.
tikurikubaho omuntu wamara kubatizibwa kwihaho ahakucweerwa orubanja (1 Kor 3:15). Origumisiriza kuhisya aha muheru, arajunwa (Mat 10:22). Kuyamazire kubatizibwa, Paulo nabandi bikiriza bakagumizamu borekiriire aha izooba ryokujunwa (Fil 3:10-13) (1 Kor 9:27) (Tit 1:2, 3:7). Okucwekanisa enyanja yeshagama (Red Sea) kwabisirayiri, kikaba nikishushana nokubatizibwa (1 Kor 10:1,2). Bingi bakafeera omwihamba nkahati bingi okubararemwe kujunwa.
turikugira ebiteekateko nkebyo omumagara gitu twamara kubatizibwa (1 Kor 10:1-12) (Heb 4:1,2) (Rom 11:17-21). Twamara kubatizibwa, nitugira amasiko gokujunwa Yesu yamara kugaruka tukaba nawe omubukama bwa Ruhanga. Kwonka omumagara aga wamara kubatizibwa, waruga omu maizi, nobaasa kugumizamu noshiisha. Nahabwekyo noreeba ngu noba otajunirwe. Tushemerire kugyezaho munonga kureeba ngu twaguma turi abahikirire turikukuratira Yesu twamara kubatizibwa, obwo amasiko gaitu gari omubrio bwomumaisho ahabukama bwa Ruahanga hamwe nokujunwa. Kwihaho omuntu yazarwa namaizi hamwe nomwooyo tarikuza mubukama bwa Ruhanga (Yoh 3:5) (1 Pet 1:23). Eki nikyoreka ngu twamara kubatizibwa omumaizi, tushemerire kugumizamu nitukuratira ekigambo kya Ruhanga, oku nikwo kuzarwa nomwoyo. Ebi byombi twabikuratira, nibituhisya omubukama bwa Ruhanga hamwe nokujunwa. Okubatizibwa kwonka tikurikutuma twajunwa kwihaho ebabazi, okwikiriza hamwe nokugira namasiko nibikuru munonga (Efe 2:8) (Rom 1:5) (Rom 8:24). Bamwe nibagira ngu okwikiriza kwonka nikutuma omuntu wajunwa, kwonka Yakobo we nagira ngu okwikiriza kwonka kutaine bikorwa tikwine Mugasho (Yok 2:17-24) (Yak 2:24) (Byak 2:37; 9:6, 10:6, 16:30) (Byak 26:20) (Mak 16:15,16).
OKUGARUKA KUBATIZIBWA.
Bamwe nibagira ngu baba babatiziibwe, tibashemerire kugaruka kubatizibwa. Baibuli negira ngu Omuntu ashemeriire kubanza yayetegyereza ebyahandikirwe, hamwe nahabweki nabatizibwa. Shoma (Mak 16:15, 16) (Byak 2:39) (Mat 28:19,20). Omwaana muto tarikwikirza kandi tarikubasa kushoma ebyahandikirwe nahabweekyo tashemerire kubatizibwa. Kandi okuta amaizi aha Buso bwomuntu tikubatizibwa. Ningashi
okwe okuturikutunga, nikuba kutahikire. Nitushoma omu (mako 1:4) (luka 1:77) ngu yohana abu yabaire abatiza, akaba abanza yabashomesa ebya yesu kandi abagira ngu babanze bayetiisa. Kwonka kandi omubyakozire eshuura ya 19:1-5 nitureeba ngu bamwe abu Yohana yabatiize bakagaruka babatizibwa ahabwokugira ngu bakabatizibwa batabadize kweega ebyahandikirwe.
Okumanya Ekikwetagwa Omuntu yaaza Kubatizibwa.
Ekanisa ezimwe nizigira ngu omuntu yagira ati ninyikiriza yesu nkomwaana wa Ruhanga, ngu nikimara; Omuntu Kujunwa Oki tikihikire kandi tikwo Kirikworekwa omubyahandikirwe. Okukubunza ngu noyikiriza Yesu Okagarukamu oti ego, tikirikumara. Oshemeriire kubanza wamanya Yesu Owuwikiriza ebirikumukwataho hamwe nebi arikwenda ngu okore reru Obwene kuza ahamuhanda guhikire gwo kujunwa kandi okabatizibwa.
Shooma emishororongo egi (Ebyakozirwe 22) (Byak 3:12-26) (Byak 4:1, 19:26) (19:8,10).
Eiziina Rya Yesu.
Eiziina rya Ruhanga niryoreka ebigyendererwa bye, ebikorwa, hamwe nokwaari. Okwikiriza omu eziina rya Yesu, Nikishushana nokubatizibwa (Yoh. 3:5,18:23) (Gal. 3:26,27) (Byak. 19:4,10:42) Phillipo akashomesa ebya Yesu aha Bantu ( Byak. 8:5) (Byak 8:12) Eki nikyoreka ngu Phillipo akaba nashomesa ebintu ebikwatsire ahabukama bwa Ruhanga. Engiri eyashomesibwe entumwa Paul Ekaba eine obukomooko Kuruga omundagaano enkuru. Kandi Kuyamazire kubaburira engiri, bikiriza. (Byak. 17:12) (1 pet. 1:23,25).
Omugabe Wobukama Yesu akagambira abafarisayo ngu tibashemerire kuguma bategyereize Masiya ngu ahakuba ari nabo. Kandi Yesu yagaruka yagira ati obukama bwa Ruhanga buri naimwe (Luk 17:21) ekirikworeka ngu obukama bukaba nibushushana namukama wabwo yesu Kristo.
Eibaare Kuteera ekishushani kya nebuchadnezar, (Dan 2:44) ekikworeka ngu obukama bwa Ruhanga kuburaije nibuza kuteera kandi bumareho obukama oburiho hati obwabaantu. Okwikiriza omuri Yesu hamwe nokwikiriza engiri yobukama bwa Ruhanga, byoona nibishushana.
Engiri Nenki Bamwe ahabakurasi ba Yesu bokubanza, bakaba biine amaani gomwooyo agabaire nigabagambisa ebiraze kubaho kwonka bitakabaireho. Ebibabaire nibagamba bikaba biri ebigambo bya Ruhanga kwonka bitari kegambo byaabo nkabantu.
Okwikiriza kumwe.
Okwikiriza kumwe nokwo okwaherezibwe abegyesibwa ba Yesu, kandi nabo ebibatungire bakabishomesa abandi (Gal.1:9,12,Fil 4:9) (Kal. 2:6), (ites. 1:6,2:13)
Okwikiriza
Twine ninga haruho akatabo kokwikiriza kumwe ”statement of one faith” karuho nkengyenderwaho kakworeka ebi abakurasi ba Yesu bokubanza babaire bagyenderaho (Tito 1:4) (Efe 4:5) (Byak 3:16) (Tim. 4:1)
Hariho banabi ababaire babeiha ngu batungire okubonekyerwa kwomwooyo orikweera. kandi bakaba bari banabi bebishuba ahakuba ebibabaire bagamba, bikaba bitahikirira (Tito. 1:9,3:8) (2Tim.2:11) (1Tim. 4:9) eki nikyo kyatumire Yohana yarabura abantu obutikiriza omwooyo weena orikugira ngu atumirwe.(1Yoh. 4:1) (Byak. 13:40,41).
Okwetegyereza okuzooka kwa Yesu, Nikyetagwa ngu obanze wayetegyereza Baibuli, aha bikwatiriine nekituuro hamwe nembera yomuutu.
Okubatizibwa nikutuha omuhanda kuttaaha omwiziina rya Ruhanga (math,28:19) (Byak.22:16).
Yesu kristo neiziina eririkworeka kandi rikagaita hamwe okushomesa kwekigambo kya Ruhanga.
Omushuma aha musharaba na Yesu………………… omushuma aha musharaba akagira Yesu ati, Oyijuke omubukama bwaawe (luka 23:42,43) Bamwe mbagira ngu eki nikimanyisa ngu okubatizibwa tikikuru ngu ahakuba omuntu naza omwiguru yamara kufa.
· Ekiragiro kyokubatizibwa omuri Yesu kikahebwa Yesu yamara kuzooka kandi obwe omushuma akaba akiri ahansi yekiragiro kya Musa (Mak. 16:15,16)
· Okubatizibwa nikimanyisa okufa hamwe nakuzooka omuri Yesu. Ebi byombi bikaba bitakabaireho.
3 Shoma (Rom 6:3-5) (Mat 21:32)
4 Shoma (Mat. 4:23) (Kush 2:7)
5 Shoma (Kush 22:3) (Isa. 51:3)
6 Shoma (Byak.2:32) (Mt. 12:40)
Nikyetegyerezibwa ngu omushuma akaba nayetegyereza ebi.
· Obukama bwa Ruhanga
· Okwija kwa Yesu
· Okuzooka hamwe Nokucweerwa orubanja.
· Okujunwa kurabira omukwikiriza Yesu
· Yesu okufa atiine Rubanja
· Okukuratira Yesu Kuba kikuru ahakuba omushuma akeeta Yesu mukama (lord).
· Ekibi kyomuntu.
Entwaaza yokubatiza
Egi niyo entwaza yabarumuma ninga aba kurasi bayesu, bakutwaaza baaba nibabatiza. Kwonka okimanye ngu okubatizibwa amaizi gashemerire kukushangira weena, kandi orikuza kubatizibwa ashemerire kubanza yashoma aketegyereza ebyahandikirwe. Ekuratana Eshemerire kuba egi
· Eshaara Yokutandika
· Okushoma Abarooma Eshuura ya 6
· Okugamba ahabikwatiriine nokubatizibwa
· Okushaba
· Okuta omuntu omumaizi gakamushangira.
· Okushaba kwokuhendera
Tushemerire kugumizamu nituhereza mukama twamara kubatizibwa. Kandi ekibi tikishemerire kutugiraho obushoborozi. Paulo nagira ngu okuraba kwaba Isirayiri omu nyanja yeshagama kikaba nikishushana nokubatizibwa. Shoma (1Kor. 10:1,2) (zab.77:17) (Zab. 34:7) (Heb 1:14) (1 Kor. 10)
EISHOMO RYA 10
EBIBUUZO:
1. Nitubaasa kujunwa tutabatiziibwe?
a. Okuhamira ahakintu.
5. Nitubatizibwa omuri oha?
(a) Omukanisa erikutubatiza
(b) Omukigambo kya Ruhanga
(c) Omuri Yesu
(d) Omu mwoyo Orikweera
6. Ebirikubaho twamara kubatizibwa niki?
(a) Nitugira akakwaate na Aburahamu
(b) Nituba tutakishiisha obundi
(c) Nituba twajunwa
(d) Ebibi byaitu nibiba byasasirwe
7. Okubatizibwa kwonka nikubaasa kutuma twajunwa?
8. Nitutunga ebiconco byomwoyo Orikweera twamara kubatzibwa nari?